بيت السحيمي

تتميز مصر بالعديد من المعالم الأثرية التي تحكي حكايات التاريخ، ولا تقتصر هذه الآثار على العصر الفرعوني فحسب، بل تمتد لتشمل العمارة الإسلامية العظيمة في العصور الفاطمية والعثمانية. ومن أبرز هذه المعالم التي تأخذك في رحلة عبر الزمن هو بيت السحيمي المتواجد في قلب القاهرة القديمة بيوت تجتمع فيها اصالة الفن وجمال التصاميم المعمارية الإسلامية القديمة من جميع النواحي،

وما تتميز به من هدوء واستقلالية وهدوء نفسي من لحظة دخولك للبيت .  

 سبحان الله البيوت القديمه دي بتتميز بحاجه جميله جدا خصوصا في الفصلين الصيفي والشتوي ، يعني في الصيف تحس فيها بنسمه هواء كده جميله تخليك مش حاسس بدرجه الحراره العاليه جدا، وده نتيجه انظمه التبريد والتهويه إللي كانت منتشره زمان في أي بيت قديم حاجه زي التكيف في عصرنا دلوقت كده ودي كانت بتعرف بإسم الملقف وتوضح الصورة التالية  أكثر عن شكل الملقف، و معنى ملقف الهواء  في وقتنا الحالي بإسم " المسقط أو المنور " و المهندس المعماري القديم اهتم جدا بتركيبه بشكل خاص وإللي فيه بيتم مرور الهواء بزاويه محدده تسمح للهواء بعمل دوره تبريد كامله في محيط البيت، ومن جانب آخر في البيوت القديمة دي في فصل الشتاء بيتم قفل الملقف ده وسبحان الله تلاقي في البيت دفء كبير جدا يخليك قاعد مش حاسس ببرودة الجو الفظيع. 

شكل توضيحي للملقف الهواء خاص بكاميرات مواضيع راديو 

ما هو بيت السحيمي ، وصف بيت السحيمي. 

نرجع لموضوعنا المهم إن أحد هذه البيوت هو يعرف باسم بيت السحيمي، البيت ده موجود في شارع المعز لدين الله الفاطمي بالقاهره أو مصر القديمة البيت ده له حكايات كتير جميلة قوي، ولكن هو واحد من البيوت إللي أنا شخصيا بحب زيارتة من حين لأخر نظرا للهدوء النفسي إللي بلاقيه في البيت ده من كل الجوانب، وهو بيت كبير وبيتميز بوجود غرف نوم كثيره موجوده فيه ، ده غير فيه زي جنينه صغيره فيها أشجار و مزروعات في البيت إللي بتضيف له منظر جمالي جدا بشكل ملفت. 

المهندس المعماري القديم كان بيهتم بحرمه البيت بشكل كبير جدا و بيراعي فيه الخصوصية، وعشان كده لما تيجي وتدخل البيت مش هتشوف البيت علطول بالعكس ده فيه ممر منكسر يحجب الرؤيه من المدخل. 

وإللي بيميز البيت كمان شكل الأبواب القديمة باب كبير وثقيل جدا ، ده غير ما يميز البيت بشغل الارابيسك للفن الإسلامي القديم، وطبعا عماره تصميم البيت إللي بعتبره عبقري جدا كشكل وتصميم متميز منفرد بيه من جميع النواحي وبيظهرلك ويبينلك العصر الإسلامي القديم في مصر في عصر الفاطمية والمماليك والعثمانين كان عصر تشيد عماره اسلامية قمه الجمال و الراحه، يعني شكل البيوت مريح للعين وفي هدوء نفسي عميق يخليك تقعد تسرح وتفكر الناس في العصور والايام دي كانت عايشه في البيت والوقت الجميل ده ازاي وتتمنى لو ترجع بيك الايام ولا تركب اله الزمن وتروح تعيش في العصر ده، وطبعا مع لبس الناس واكل الناس وحياة الناس حقيقي عالم جميل جدا. 

البيت فيه مأدبه طعام ، وفيها مكان كان خاص باستقبال الضيوف زي غرفه واسعه كبيره ليها مهابه كده ومتزينه باشكال ارابيسك جميله جدا ونجف في السقف من العصور دي أو ما تعرف باسم قناديل ،و كمان في مكان زي  قعده كده في مدخل البيت كانت لصاحب البيت وبيقعد معاه أصدقاؤه أو الحاشيه أو حتى الضيوف وفيها كان بيحصل الاجتماعات بيتناقشوا أمور البلاد. 

في نص البيت أو ما يعرف ب " الحوش" فيه حديقه صغيره وحواليها غرف من البيت كانت بتعطي مظهر وشكل جمالي للبيت ، وفيها مزروعات ونباتات واشجار، بتعمل علي تلطيف الجو في البيت و الرؤيه. 

الحرملك : وده مكان عالي في البيت كده بيتواجد فيه السيدات وفيه مشربيات خشبيه، إللي من خلالها بيتيح للسيدات رؤيه الحوش أو الشارع من غير ما حد يشوفهم. 

قاعات البيت : بيت السحيمي بيميزة إنه موجود فيه قاعات خاصه تصميمها المعماري غايه في الجمال من حيث الاسقف العاليه، ونقوش ورسومات وابيات من الشعر على جدران بيت السحيمي في القاعات، وايضا بعض آيات القرآن الكريم. 

الساقيه والبير : البيت بيتميز بوجود عدد 2 بير فيه كانت بتستخدم للشرب ، ووجود ساقيه موجوده في البيت عشان توفر وصول المياه للمزروعات. 

طاحونة : البيت كان بيتوفر فيه طاحونه خاصه بطحن الغلال. 

تاريخ بناء بيت السحيمي. 

وبيقولك بقا إن البيت ده بيتكون في الأساس من بيتين مع بعض ، وإن القسم الأول من البيت اتأسس سنه 1648 ميلادي و 1058 هجري، وده القسم " القبلي " لبيت السحيمي، وإللي انشأه "الشيخ عبدالوهاب الطبلاوي. 

أما القسم " البحري " لبيت السحيمي اتأسس سنه 1796 ميلادي و 1211 هجري ، وإللي انشأه الحاج إسماعيل بن إسماعيل شلبي، وهو إللي عمل دمج للبيتين القسم القبلي والبحري. 

سبب تسميه بيت السحيمي بهذا الاسم ؟

بيقولك إن السبب ورا الإسم ده بيرجع لأخر شخص عاش فيه إللي هو الشيخ " محمد أمين السحيمي" وده كان شيخ الاتراك في الجامع الازهر ، وفضلت عائلة السحيمي تتوارث البيت لغايه لما اشترته الحكومه المصريه في عام 1931 ميلادي ، نظرا لعظمه الفن المعماري الإسلامي القديم في بيت السحيمي وعشان تحافظ على هوية البيت ويتم تحويله لاثر. 

فعاليات بيت السحيمي. 

البيت طبعا دخل في مرحله ترميم عشان يتم المحافظه على الأثر بمرور الايام ، وفي الوقت الحالي البيت يعد واحد من المزارات السياحيه والتاريخية ،ولكن لا يقتصر البيت على هذا فقط بل بيتم تنظيم حفلات وندوات وفعاليات ثقافيه في البيت أيضا.

وتقدر تعرف أكثر عن مواعيد الزياره الخاصة ببيت السحيمي واسعار الدخول من خلال الموقع الخاص بوزاره السياحة والآثار المصريه. 

صور بيت السحيمي .

بمجرد عبور المدخل المنكسر للبيت، تجد نفسك في هذا الصحن المفتوح. صُمم الحوش بهذا الاتساع لتوفير الخصوصية التامة لأهل البيت، وللسماح لأشعة الشمس والهواء النقي بالدخول. تذكر وأنت تقف هنا أن هذا الفناء شهد تفاصيل الحياة اليومية لعائلات عاشت هنا منذ مئات السنين، حيث تتوسطه النباتات لتضيف لمسة من البهجة والهدوء.

"هنا تظهر عظمة السقف الخشبي للقاعة الرئيسية، المزخرف بالنقوش والآيات القرآنية .  تناسق الألوان وسقوط الضوء من النوافذ العلوية (القمريات) الملونة؛ كل شبر هنا يظهر الثراء والذوق الذي تمتع به الشيخ أمين السحيمي وعائلته."

مظهر يوضح شكل البيت وحجمة من الخارج ومدى جمال وعظمة البناء والإهتمام بكل تفاصيل البيت وحجم الحجارة المستخدمة في البناء ، شكل بيت السحيمي من الشارع المطل عليه من الخارج.

توضح الصورة شكل توضيحي للقناديل القديمة التي كانت تضيء المنازل القديمة وخصوصا للمنازل التي تعود لأصحاب النفوذ أو العائلات الثرية ويظهر في الخلفيه شكل الأرابيسك الخشبي الذي يسمح بمرور الضوء في النهار ، وتلطيف الأجواء في المساء بمرور الهواء من بينها .

"في زاوية الحوش، تقع هذه الساقية الأثرية بجوار بئر الماء القديم. لم يكن سكان بيت السحيمي لانتظار 'السقا' ليملئهم بالمياه؛ فقد كان هذا البئر يوفر الاكتفاء الذاتي للبيت،  تُرفع المياه عبر الساقية لتغذي جميع جوانب البيت في منظومة هندسية ذكية ومستقلة."

"انظر للأعلى لتشاهد سحر المشربيات الخشبية المصنوعة يدويًا بدقة متناهية. هذه المشربيات كانت بمثابة 'ستائر زمان'؛ تسمح للسيدات برؤية الحوش الخارجي ومتابعة ما يدور فيه، وفي نفس الوقت تحجب الرؤية تماماً من الخارج لحفظ الخصوصية، فضلاً عن دورها المهم في تبريد الهواء الداخل من خلالها."

"هذا الجزء المفتوح من الصحن يسمى 'التختبوش'، وهو بمثابة قاعة استقبال صيفية لرجال الحارة والضيوف. في هذا المكان تحديداً، كانت متسع النقاشات وتُشرب القهوة في المساء على ضوء القناديل، وصُمم بحيث يواجه حركة الرياح ليوفر جلسة رطبة بدون مكيفات هواء."

شكل الباب الخارجي لبيت السحيمي وهو مغلق مع إنعكاس لضوء الشمس عليه، ويظهر هنا حجم هذا الباب ومدى قوتة وثقل حجمه ومتانته ليظل ثابت وصامد حتى يومنا هذا .