بسم الله الرحمن الرحيم
السلام عليكم ورحمه الله وبركاته
في البوست ده حابب اكتب ليه قررت اعمل مدونه وتكون بالاسم ده وليه سبب وجودها ؟
عن نفسي شخص بحب الراديو جدا من زمان وبحب الكتابه عموما ويكون عندي اكبر قاعدة معلومات من حيث كل المحتوى وكل المحتويات وخصوصا الجانب القديم في مصر القديمه، وقد ايه بحب الاماكن التاريخيه سواء اسلامية او مسيحيه او فرعونيه مصر القديمه .
وعلى مر العصور تحصل احداث كتير اللي غيرت مفاهيم كتيره واللي بسببها بقا في لفظ عادات وتقاليد اللي مازلنا عايشين فيها او بعضها ومستمرين فيها طبعا مع اختلاف الوقت والزمان وطبعا مع بعض الاضافات من عصرنا ووقتنا عشان نقدر نستمر فيها واللي للاسف التراث ده اتبهدل معانا كتير اوي .
حبيت اتكلم هنا بصيغه الراديو ولكن بشكل مقروء .. فاهم حاجه ؟
هتلاقيني ضايفلك ومجمعلك بعض أشهر محطات الراديو في مصر تقدر تسمعها من هنا اسمع الراديو، اللي من خلالها هتساعدك تنجز مهام في شغلك او لو حبيت تفصل شويه وتسمع المحطه اللي حابب تفصل نفسك بيها .
انا عملت المدونه دي عشان زي ما قولتلك بحب الكتابه وصناعه المحتوى وعشان عايز اعبر واكتب عن حاجات كتير اوي جوايا او حاجات عايشها او كنت عايشها، وغير كده عندي شويه وقت فاضي فببحث واكتب عن الموضوع اللي حابب اكتب عنه .
وفي خلال الفتره دي بحاول اطور واتطور سواء في الموقع او من نفسي في صناعة المحتوى، واكتب اكتر بالصيغه اللي اقدر اوصلك بيها الكلام بشكل مبسط وبشكل صريح وواضح بدون أي لعبكه او كلام كتير .
بس وفي النهايه حابب اقول دي فكرتي واللي بعبر بيها عن نفسي ولو حابب تنضم ليا تقدر من خلال الرابط ده انضم لي ولو عندك حاجه حابب تكتبها وتعبر بيها عنك هيشرفني كتير .
وفي النهايه الحمدلله على كل حال - والسلام عليكم ورحمة الله وبركاته
